Osmani: Shpresoj që sa më shpejt do të përmbyllet komplet cikli i institucioneve funksionale

Presidentja e vendit, Vjosa Osmani, ka thënë që shpreson që sa më shpejtë mbyllet cikli i institucioneve funksionale.

Para mediave, ajo deklaroi se janë në komunikim të vazhdueshëm më të gjitha partitë politike, transmeton Telegrafi.

“Jemi në komunikim me partitë politike vazhdimisht. Do të jemi edhe në të ardhmen. Po shpresoj që sa më shpejtë të mbyllet cikli i institucioneve funksionale”, tha Osmani para mediave.

Ndryshe, kanë kaluar shtatë ditë që kur Gjykata Kushtetuese njoftoi se ka pranuar kërkesën e dhjetë deputetëve të Listës Serbe, lidhur me zgjedhjen e nënkryetarëve të Kuvendit.

Në njoftimin e Gjykatës thuhej se seanca konstituive, e cila kishte nisur më 15 prill, nuk kishte përfunduar dhe se ajo duhet të përmbyllet brenda 12 ditësh nga shpallja e aktgjykimit.

Megjithatë, Kushtetuesja që nga data 30 shtator ende nuk e ka publikuar aktgjykimin e plotë të asaj date, dhe për rrjedhojë, afati kohor për përfundimin e seancës konstituive nuk ka hyrë ende në fuqi. /Telegrafi/