Osmani: Serbia ende drejtohet nga mendje gjenocidale

Kryetarja e Kuvendit të Kosovës, Vjosa Osmani, përmes një postimi në llogarinë e saj në Twitter, ka thënë se aktualisht Serbia drejtohet nga mendje “gjenocidale”.

Osmani e ka shpërndarë një video ku dëgjohet ministri i Jashtëm të Serbisë, duke kërcënuar serbët nëse tregojnë se ku janë varret e personave të pagjetur shqiptarë.

Sipas saj, Serbia aktualisht ende drejtohet nga mendje “gjenocidale”

“Dëgjojeni ministrin e Jashtëm të Serbisë duke kërcënuar serbët të cilët po tregojnë vendet ku janë varrosur të pagjeturit shqiptar në Serbi. Dëgjojeni përsëri e përsëri, nëse besoni se liderët e Serbisë kanë ndryshuar. Fatkeqësisht, Serbia ende drejtohet nga mendje gjenocidale”, ka shkruar Osmani në Twitter.