Osmani: Qytetarët besojnë se me qeverisjen e LDK-së ndodh liberalizimi i vizave

Kandidatja për kryeministre nga LDK-ja, Vjosa Osmani ka thënë se qytetarët besojnë se ajo është kryeministrja e duhur që mund të ndikojë në liberalizimin e vizave.

Osmani, në “Debat Plus” me Ermal Pandurin në RTV Dukagjini ka thënë se gjatë intervistimeve që i kanë bërë mediat ndërkombëtare, ato i kanë treguar se qytetarët besojnë të ajo për shkak të liberalizimit të vizave.

“Mediat ndërkombëtare para se të më intervistojnë mua, kane intervistuar edhe qytetarët. Në pyetjen që ato u kanë bërë qytetarëve “Pse do ta votonit Vjosa Osmanin?”, ata u janë përgjigjur “për shkak të liberalizimit të vizave”, tha ajo, përcjell Telegrafi.

Kandidatja për kryeministre nga LDK-ja ka thënë se ekziston një besim shumë më i madh te qytetarët se liberalizimi i vizave mund të ndodh shumë më shpejt nëse në pushte vjen LDK-ja.

“Arsyet janë të shumta sepse disa kanë dëshmuar se edhe kriterat e plotësuara i kthejnë mbrapa e disa të tjerë ende nuk e kanë dëshmuar se në qendër të programit të tyre e kanë Republikën e Kosovës”.

Osmani thotë se ne qeverisjen e LDK-së është plotësuar vazhdimisht kriteri i për regjistrimin e rasteve të krimit dhe korrupsionit që sipas është çdo tre muaj.

“Në qeverisjen Haradinaj ka ndodhur e kundërta. Skandalet e mëdha në sundimin e ligjit si ikja e prokurorit Blakaj për rastin “veteranët”, kidnapimi i shtetasve turq, dëmtojnë procesin”, tha mes tjerash Vjosa Osmani./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).