Osmani: Për Rimëkëmbjen votova 5 herë, më quajtën palaço, parazit, e shkretë, e gjorë

Në seancën ku pritet të hedhet në votim Projektligji për Rimëkëmbjen e Ekonomike për të shtatën herë me radhë, fjalën e ka marrë kryetarja e Kuvendit, Vjosa Osmani.

Osmani tha se e ka votuar pesë herë këtë projektligj dhe është fyer në mënyra të ndryshme nga qeveritarët.

“Më shumë se 5 herë e kam votuar këtë Ligj dhe si rrjedhojë jam quajtur palaço, parazit, jolegjitime, e shkretë e gjorë…Nuk është kjo mënyra për të bashkëpunuar të nderuar zonja dhe zotërinj të Qeverisë. Nuk është kjo mënyra për të arritur unitet në çështje”, tha Osmani në Kuvend, transmeton Gazeta Express.

“Siç e kam votuar edhe 5 herë, unë e votoj edhe sot por jo pse e meritoni ju këtë votë, keni treguar arrogancë të paparë, së paku në katër mandate… E kjo tregon që nuk lodhen aspak për dëmin ekonomik që i është shkaktuar vendit nga pandemia”, u shpreh ndër të tjera Osmani. /Gazeta Express/