Osmani: “Misioni i Thaçit” nuk ishte vetëm, gjeti përkrahjen popullore

Gjilan – Fadil Osmani njëri nga koordinatorët e degës së PDK-së në Gjilan thotë për rajonipress se ata që hezituan në fitoren e PDK-së dhe të programit ambicioz të Thaçit kanë gabuar rëndë sepse “Misioni i ri” nuk ishte vetëm, ai pati mbështetjen popullore. PDK tregoj se është fuqi dhe forcë në tërë Kosovën, kurse i mbetet strukturave të saj në Gjilan që këtë besim të fituar ta ruajnë, avancojnë dhe ta konkretizojnë me rezultate tjera në të ardhmen.

Fadil Osmani është njëri nga drejtuesit e PDK-së në Gjilan i cili që nga fillimi nuk ka hezituar asnjëherë për fitoren e PDK-së dhe të “Misionit të ri”.

Osmani për rajonipress tha se rezultati i PDK-së ishte i pritur sepse Thaçi vërtet bëri fushatë shumë moderne dhe tërheqëse për publikun.

Sipas Osmanit dalja në publik e Thaçit dhe kontaktet e tija të drejtpërdrejta me të gjitha kategoritë ishin një barometër i saktë se ai po ecte drejt fitores.”Në të gjitha tubimet asnjëherë nuk ofendojë kundërshtarët, asnjëherë nuk e akuzojë asnjë lider. Ai përgjigjej vetëm kur të tjerët e akuzonin. Dhe e vetmja përgjigje e tij e moderuar madje edhe në ato momente ndaj rivalëve ishte kjo: “Pyetni ata çfarë kanë bërë për ju në vitin 2007”.

Osmani thotë se edhe në Gjilan PDK-ja shpejt u këndell dhe realisht tani ka deputet të nivelit të lart dhe të cilët do ta përfaqësojnë Gjilanin në mënyrën më dinjitoze.

Osmani thotë se tani PDK-së në Gjilan i mbetet që ta ruaj, avancojë këtë rezultat sepse ka ekipin e mirë dhe ka njerëz e përkrahës të të gjitha kategorive.”Unë kam marrë pjesë në shumë takime dhe kam vërejtur një vrull të madh dhe një mbështetje të madhe për PDK. Edhe gara e kandidatëve të PDK-së ishte evropiane sepse të gjithë kanë dhënë mesazhe se si duhet të punohet me qytetarin”.

Osmani është i bindur se PDK-ja po e merr vetën dhe pa asnjë dilemë ajo shpejt do ta kthejë primatin e saj të treguar suksesshëm në mandatet e kaluara.”PDK-ja dallohet shumë nga të tjerat parti politike sepse ka njerëz të guximit, të përkushtimit dhe të angazhimit konkret për të ofruar shërbime sa më të mira për qytetarin”/rajonipress/