Osmani i thotë zv.presidentit të Parlamentit Evropian: Kosova i ka plotësuar kriteret për liberalizim vizash

Presidentja e Kosovës, Vjosa Osmani priti sot në takim zëvendëspresidentin e Parlamentit Evropian, Rainer Wieland.

Sipas saj, e ardhmja e sigurt e rajonit është e mundshme me anëtarësimin e Kosovës dhe shteteve të Ballkanit Perëndimor në BE dhe NATO.

Sipas njoftimit nga Presidenca, në takim është biseduar edhe për situatën aktuale të krijuar pas agresionit të Rusisë ndaj Ukrainës.

Presidentja Osmani ka theksuar se Kosova është në anën e Ukrainës dhe popullit të saj, duke konsideruar të drejtën e patjetërsueshme të saj për ta mbrojtur sovranitetin dhe integritetin e vet territorial.

Gjatë takimit, Presidentja Osmani ka përsëritur se Kosova tashmë i ka plotësuar të gjitha kriteret për liberalizim vizash, ndaj në këtë kontekst ka kërkuar që BE-ja ta mbajë premtimin ndaj kosovarëve. /Telegrafi/

Shpërndaje.
© RAJONIPRESS