Osmani i shkruan Trendafilovas rreth mandatit të Gjykatës Speciale
Kryetarja e Kuvendit, Vjosa Osmani i ka dërguar letër kryetarës së Dhomave të Specializuara, Ekaterina Trendafilova.
Përmes kësaj letre, Osmani ka kërkuar nga Trendafilova që amendamenti i propozuar nga presidenti Hashim Thaçi për mandatin e Specialet, t’i përcillet për shqyrtim Gjykatës Kushtetuese pranë Dhomave të Specializuara.
“Do t’u isha mirënjohëse nëse ky propozim-amendament referohet pranë Dhomave të Specializuara të Gjykatës Kushtetuese, në përputhje me Kushtetutën e Kosovës dhe Ligjin për Dhomat e Specializuara dhe Zyrën e Prokurorëve të Specializuar, për vlerësim paraprak se ndryshimi i propozuar nuk zbeh ndonjërën nga të drejtat dhe liritë e përcaktuara në Kapitullin II të Gjykatës”, shkruan në letër, transmeton Zeri.info.
Ndryshe, më 24 gusht, Presidenti i Kosovës, Hashim Thaçi, ka kërkuar nga deputetët e Kuvendit të Kosovës që t’ua zgjasin mandatin Dhomave të Specializuara dhe Zyrës së Prokurorit të Specializuar./Zëri/