Osmani frikësohet se s’do ta lënë të kandidojë për kryetare të LDK-së
RajoniPress
19:37, 29 Maj, 2015
355 delegatë të dielën do të vendosin se kush do të jetë në krye të Lidhjes Demokratike të Kosovës, raporton KTV.
Deri tash në garë janë kryetari aktual Isa Mustafa dhe deputetja femër më e votuara në Kosovë, Vjosa Osmani, ndërsa mbetet të shihet nëse do të kandidojë edhe kryetari i nderit i LDK-së, Fatmir Sejdiu.
Afrimi i garës ka ashpërsuar edhe gjuhën ndërmjet kandidatëve.
Deputetja Osmani ka thënë të jenë rritur presionet ndaj delegatëve për të mos votuar atë.
E, në anën tjetër, sipas anëtarit të kryesisë së LDK-së, Naser Osmani, procesi po zhvillohet normalisht dhe nuk ekziston asnjë presion, por u ka tërhequr vërejtjen delegatëve të kenë parasysh faktin se LDK-ja ka obligime shtetërore.
Vjosa Osmani thotë se nuk do të dorëzohet dhe nëse i bëhet e padrejtë, për këtë do të njoftojë Partinë Popullore Evropiane dhe të gjitha partitë e tjera simotra në Evropë.
http://koha.net/?id=27&l=59674
