Osmani falënderon Biden dhe Merkel: Së bashku do të kundërshtojmë ata që përpiqen të destabilizojnë rajonin tonë

Presidentja e vendit, Vjosa Osmani ka falënderuar presidentin amerikan, Joe Biden dhe kancelaren gjermane Angela Merkel, për deklaratën e tyre ku theksuar se përkrahin integrimin e Bllakanit Perëndimor në BE.

Osmani ka shkruar që me përkrahjen e ShBA-së dhe Gjermanisë mund të kundërshtohen fuqishëm ata që provojnë ta destabilizojnë rajonin.

“Faleminderit presidentit Joe Biden dhe Kancelares Angela Merkel për dërgimin e një mesazhi të qartë mbështetës për integrimin e Ballkanit Perëndimor në Bashkimin Evropian. Me mbështetjen tuaj ne do të kundërshtojmë me forcë ata që përpiqen të destabilizojnë rajonin tonë. Ne jemi më të fortë kur qëndrojmë së bashku”, ka shkruar Osmani në Twitter. /Telegrafi/

Shpërndaje.
© RAJONIPRESS