Osmani: Dialogu do të përfundojë me njohje reciproke, tërësia territoriale është e panegociueshme

Presidentja e Kosovës, Vjosa Osmani ka thënë se Kosova e këtij viti nuk është e njëjtë me atë të vitit 1999 e as me atë të vitit 2017, shkruan Gazeta Express.

Në fjalimin e sotshëm në seancës për nder të 14 vjetorit të pavarësisë së Kosovës, Osmani u zotua se do të punojnë shumë që të zbardhet fati i personave të pagjetur, që sipas saj, fati i tyre po mbahet peng nga Serbia.

Më tutje, Osmani tha se dialogu do të përfundojë me njohje reciproke teksa theksoi se tërësia territoriale e Kosovës do të jetë e panegociueshme.

“Procesi i dialogut normalisht që do të përfundojë me njohje reciproke siç edhe e përmendi prapë presidenti Biden në urimin për 14 vjetorin e pavarësisë. Nuk do të lejojmë që ky proces të shkaktojë kokëçarje shtetit tonë, rrjedhimisht nuk do të pranojmë asnjë opsion që synon defunksionalizimin e shtetit tonë. Tërësia territoriale e vendit tonë, sovranitetin tonë dhe rendi jonë kushtetues janë të panegocieushme”, ka thënë ajo. /Gazeta Express/