Osmani: Dëshirat e popullit të Kosovës do t’i përmbushim

Sot në seancën solemne të Kuvendit të Kosovës, për nder të 12 vjetorit të Pavarësisë së Kosovës, kryetarja e Kuvendit, Vjosa Osmani, falënderoi të gjithë brezat që kanë shërbyer për Kosovën ndër vite, raporton “Zëri.info.

Osmani theksoi se institucionet e tanishme të vendit do të mundohen që qytetarëve të Kosovës t’ua realizojnë ëndrrat për zhvillim ekonomik e qeverisje efektive.

“Para vitit 1999 ëndërronim një Kosovë të lirë, sot ëndrrat e qytetarëve janë të lidhura për zhvillim ekonomik, social e kulturor për qeverisje efektive e transparente. Së bashku me institucionet e vendit këto dëshira do t’i përmbushim duke siguruar arsimim cilësor e krijimin të mundësive pë zhvillim. Sot Kosova është e vendosur më shumë se kurdo herë më parë që të integrohet në bashkësinë e popujve të qytetëruar evropianë. Ne do ta thellojmë përpjekjen për shtet ndërtim e demokratizim të brendshëm”, ka deklaruar Osmani.

Ndër të tjera, sot në shënjimin e 12 vjetorit të Pavarësisë, Osmani kujtoi, të gjithë ata që janë sakrifikuar për shtetin e Kosovës, madje shprehu mirënjohje edhe për artistët, sportistët e politikanët e shumtë që siç tha ajo vazhdimisht po e nderojnë shtetin e Kosovës. /Zëri