Osmani: Biden shprehu mbështetje të palëkundur për Kosovën

Presidentja e Kosovës, Vjosa Osmani, ka marrë pjesë në Funeralin Shtetëror të Mbretëreshës Elizabeth II.

Gjatë ceremonisë, Osmani është takuar me presidentin e SHBA-së, Joe Biden.

Siç bën të ditur në Twitter, Biden ka shprehur mbështetje të palëkundur për Kosovën.

“Nder i veçantë të bisedoja me Presidentin Biden sot gjatë Funeralit Shtetëror të Mbretëreshës Elizabeth II”.

“Presidenti Biden shprehu mbështetjen e tij të palëkundur për vendin tonë dhe në emër të popullit të Kosovës i shpreha mirënjohjen dhe përkushtimin tonë për partneritetin e palëkundur në mes të Kosovës dhe SHBA-ve”, ka shkruar Osmani në Twitter.

Ndërkaq, rreth dymijë të ftuar, duke përfshirë disa qindra presidentë, krerë shtetesh dhe monarkë, kanë marrë pjesë në funeralin e Mbretëreshës Elizabeth II në Westminster Abbey në Londër të hënën.

Mbretëresha Elizabeth II, monarkja më jetëgjatë në Mbretërinë e Bashkuar, vdiq të enjten në moshën 96-vjeçare./Telegrafi/