Osman Ibrahimaj, vullnetari i mëngjesit sot i mbush 80 vite

Gjilan – I njohur si vullnetari i mëngjesit Osman Ibrahimaj edhe pse sot i ka mbushur 80 vite, ai vazhdon të mbetet aktiv në jetën e tij sportive. Eci shumë, dal në natyrë shumë dhe jetojë e punojë çdo ditë pa u ndalur thotë Osman Ibrahimaj.

Osman Ibrahimaj edhe pse ka mbushur 80 vite, vazhdon të jetë aktiv dhe i palodhur në jetën e tij të përditshme. “Pika e ime më e preferuar janë malet dhe pishat e Stanishorit. Atje dal dhe eci, vrapoj ngapak, bëjë ushtrime të rregullta dhe pastaj vazhdoj jetën në qytet” shprehet Osman Ibrahimaj.

Osmani nuk është i vetëm pasiqë ai ka ndikuar tek shumë qytetar që t`i bashkohen radhës së tij për të bërë ushtrime. “Unë kam ndikuar tek shumë miq e qytetar që as i kam njohur. Vijnë dhe na bashkëngjiten dhe ushtrimet i bëjmë në mënyrë të organizuar e të rregullt” tha Ibrahimaj.

Por Osman Ibrahimaj ka edhe një veti tjetër interesante për moshën që ka.”Kur shoh mbeturina rrugëve ose ashtu të grumbulluara, organizohemi shoqëria dhe i pastrojmë. Kam dëshirë që Gjilani të duket qytet i pastër dhe me hapësira të shumta gjelbërimi” shprehet ai./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).