Ose PDK-ja, ose ne, jo zgjedhje të jashtëzakonshme

Lutfi Haziri nga LDK thotë se subjekti i tij politik në asnjë moment nuk është për qeveri gjithëpërfshirëse, ose për zgjedhje të jashtëzakonshme.

“Ose do të jetë një qeveri nga e partia e cila është sot, ose qeveri nga kolacioni opozitar, zgjedhjet nuk janë alternativë për vendin”, ka thënë Haziri në Info Magazinë të KlanKosovës.

Sipas tij, marrëveshja e ‘zarfit “ të famshëm në rastin e Presidentes, ishte përvojë e keqe, prandaj ai thotë se nuk ka tendenca të tilla të përseriten as nga Brukseli e as nga Washingtoni.

I pyetur se pse LDK-ja është treguar zemërgjerë, duke i dhënë liderit të AAK-së nominimin për kryeministër, Haziri thotë se nuk ka pasur zgjidhje tjetër, duke shtuar se partia e tij njihet për tolerancë kur bëhet fjalë për vendin.

Haziri ka mohuar se ka pakënaqësi në LDK, sa i përket koalcionit opozitar. Ai thotë se ka mendime të ndryshme, mirëpo sipas tij, në këto momente zgjidhja më e mirë për Kosovën është që Ramush Haradinaj të jetë kryeminstër.

“Kemi përvojë me qeverisjen Haradinaj, edhepse ka qenë e shkurt. E kemi përvojën me AAK-në, edhe me PDK-në. LDK-ja i ka kaluar krejt këto dhe qeverisja e përkohshme do të ndikojë zgjedhjen e shumë problemeve në vend dhe zgjidhja më e mirë është sot për Kosovën, Ramush Haradinaj për kryeminstër, si opsion I dytë, pasiqë opsioni i parë do të ishte Isa Mustafa, mirëpo këto janë mundësitë”, ka thënë Haziri.

Ai ka pranuar se në LDK ka pasur pakënaqësi sa I përket rezultateve të zgjedhjeve, duke ua hedhur “fajin” disa prej bashkëpratiakëve të tij.
“Ka pëknaqësi sa i përket rezultatit të zgjedhjeve pasi disa kolegë të mij, nuk e kanë treguar fuqinë e tyre politike”, është shprehur Haziri./Indeksonline/