Organizatat studentore të politizuara – nisin garën për liderët e tyre

Organizatat studentore që funksionojnë në kuadër të Universitetit të Prishtinës kanë filluar fushatën reklamuese nga e hëna, duke u bërë thirrje studentëve që të votojnë për to, në zgjedhjet e 13 janarit për Parlamentin Studentor.

Ndonëse ende nuk është hedhur shorti për numrat me të cilat do të garojnë këto organizata në zgjedhjet e përgjithshme, të parakohshme në Universitetin e Prishtinës, ato tashmë i kanë hyrë garës ndërmjet vete, shkruan sot Koha Ditore.

Në UP, vitin e kaluar, për Parlamentin Studentor kanë garuar pesëmbëdhjetë organizata studentore, aq sa pritet se do të garojnë edhe kësaj radhe.

E ngarendja për t’u bërë lider të studentëve shpeshherë është parë si luftë për karrierën që ua siguron ky post fituesve, edhe pas studimeve. Shumë nga ata që kanë qenë liderë të studentëve, pas përfundimit studimeve kanë zënë pozita të larta publike.

http://koha.net/?id=27&l=91240