Opozita sërish me akuza të rënda për pushtetin komunal

Viti – Taulant Haxhiu këshilltar i PDK-së ka pyetur pushtetarët se a janë në dijeni se po keqpërdoret buxheti i Komunës, në veçanti tek renovimi i shtëpisë së kulturës.

Taulant Haxhiu sërish e ka akuzuar qeverisjen komunale për keqpërdorim ekstrem të buxhetit. “Unë dua të kërkoj një informatë për keqpërdorimin e buxhetit të Komunës së Vitisë në projektin e renovimit të shtëpisë së kulturës dhe të sallës së Kuvendit. Po i drejtohem kryesuesit Naim Pira dhe Nënkryetarit Hasan Aliu, a po e shiheni si është bërë renovimi, shikoni si ka filluar të bjerë ngjyra ende pa hyr në Kuvend. Në shtëpitë e juaja a e kishit pranuar këtë renovim kështu” u shpreh Haxhiu./rajonipress/