Opozita: Qeveria Mustafa – Qeveri pasive

Prej formimit të saj, Qeveria e Isa Mustafës është treguar pasive, duke mos dërguar as pesë projektligje në Kuvend.
Ndonëse ka hyrë në muajin e tretë të funksionimit, qeverisja e Isa Mustafës është treguar pa energji dhe pasive, thotë opozita, raporton KTV.

Deputetja e Lëvizjes Vetëvendosje, Albulena Haxhiu, thotë se pasi Qeveria po tregon këtë pasivitet, është i domosdoshëm fuqizimi i Kuvendit, përcjell koha.net. Për të arritur këtë, sipas saj, deputetët duhet të aktivizohen, duke thirrur interpelanca dhe ngritur pyetje parlamentare.

Aleanca për Ardhmërinë e Kosovës e akuzon Qeverinë se po merret vetëm me demagogji dhe se ka harruar t’i trajtojë problemet reale. Donika Kadaj-Bujupi, nga kjo parti, thotë se Isa Mustafa po mjaftohet vetëm me deklarata neper rrjete sociale, të cilat sipas saj në të shumtën e rasteve janë arrogante në raport me qytetarin.