Opozita pranon ftesën e Presidentes, nuk premton zgjidhje

Kreu i Lëvizjes Vetëvendosje, Visar Ymeri ka deklaruar para gazetarëve se VV është e gatshme të shkoj në takim me presidenten Atifete Jahjaga për situatën në vend.Ai ka thënë se në takim do të shkojnë tri partitë opozitare tek presidentja, madje Ymeri thotë se ky takim nuk do të thotë se do të lëshojnë pe nga qëndrimet e tyre

“Çka është e rëndësishme që në takimin e nesërm do të paraqitemi bashkë. Do të japim një mesazh të qartë që qëndrimet e pozitës së bashkuar janë qëndrime në mbrojtje të Republikës së Kosovës dhe nuk janë çështje kompromisi e as dialogu. Ne këtë situatë e kemi të definuar”, ka thënë Ymeri.

Ymeri gjithashtu ka deklaruar se angazhimi i presidentes nëse është që t’i bind qeverinë për tërheqje nënshkrimit ndaj marrëveshjeve, ky takim do të jetë i frytshëm, në rast Presidentja tenton që ta bindë opozitën për zhbllokim të situatës, atherë nuk do të ketë asgjë të re nga ky takim, raporton Zëri.

“Çfarëdo takimi që mund të ndodhë është i njëllojtë. Takim që duhet tu thuhet të gjithë akterëve në këtë rast presidentes që kërkesat e opozitës së bashkuar janë të qarta. Në vend që të angazhohemi siç po thonë daljen nga kriza, ne këtë e kemi shumë të lehtë. Që kryeministri i Kosovës të tërhiqet nga marrëveshjet që ka nënshkruar me Serbinë për asociacionin dhe demarkacionin” ka thënë Ymeri.