Opozita: Mustafa po vepron njejtë si Thaçi, në dialog me Serbinë

Ende pa i filluar bisedimet me Serbinë, Isa Mustafa po akuzohet se po vepron njëjtë si ish-kryeministri Thaçi, duke mos pasur një agjendë të qartë dhe duke mos dhënë llogari para kuvendit për këtë proces.

Partitë politike, që janë opozitë në kuvend, kërkojnë që kuvendi të ketë rol më të madh në këtë proces, raporton KTV.

AAK’ja kërkon që për dialogun, kuvendi të ketë rol më të madh. Donika Kadaj-Bujupi thotë se Isa Mustafa, para se të niset për Bruksel, do të duhej që t’i paraqiste para deputetëve temat për diskutim.

Sipas saj, në këtë fazë dialogu ka kuptim vetëm nëse pikënisja është njohja reciproke.

Për rifillim të shpejtë të dialogut në mes Serbisë dhe Kosovës, kërkesa të shumta kanë ardhur nga faktori ndërkombëtar.