Opozita kundër rikthimit të Speciales në Kuvend

Fatmir Limaj, Albulena Haxhiu dhe Donika Kadaj-Bujupi kanë vlerësuar se riprocedimi i amendamenteve kushtetuese për këtë gjykatë paraqet vrasje të demokracisë në Kosovë, shkruan ‘Epoka e re’.

Këshilltari ligjor i kryeministrit të Kosovës, Besnik Berisha ka bërë me dije se Qeveria është duke i koordinuar punët për t’i riproceduar në Kuvend amendamentet kushtetuese për themelimin e Gjykatës Speciale, por partitë parlamentare të opozitës nuk pajtohen me këtë insistim të koalicionit qeverisës.

Fatmir Limaj, Albulena Haxhiu dhe Donika Kadaj-Bujupi kanë vlerësuar se riprocedimi i amendamenteve kushtetuese për këtë gjykatë paraqet vrasje të demokracisë në Kosovë, shkruan ‘Epoka e re’.

Ata kanë kërkuar nga Qeveria ta respektojnë vendimin e Kuvendit, i cili më 26 qershor i tha jo themelimit të Gjykatës Speciale. /Telegrafi/