Opozita e quan fontanë dëshirash Planin qeverisës

Partitë opozitare nuk e kanë në plan ta presin Qeverinë nëse do ta prezantojë, ose jo, në një seancë Kuvendi planin qeverisës.Për dokumentin që ekzekutivi deputetëve ua dorëzoi vetëm në kutitë postare, opozitarët planifikojnë të debatojnë në seancën e së enjtes bashkë me debatin parlamentar për 100 ditshin e Qeverisë, e thirrur nga vetë opozita, raporton KTV

Ilir Deda nga Vetëvendosje thotë se Qeveria qysh në start ka nisur mbrapshtë, ndërsa planin qeverisës e quajti fontanë dëshirash.

Shefja e deputetëve të Nismës, Valdete Bajrami, tha se Qeveria vetëm është munduar ta heqë barrën duke iu dorëzuar planin në kutitë postare, derisa tha se në kushte normale do të duhej vetë Qeveria të kërkonte debat në Kuvend.

Bajrami tha se edhe programi i Isa Mustafës po ngjan në programet që kanë qenë prej pasluftës dhe asgjë nuk ka ndryshuar.