Opozita e hutuar

Partitë opozitare në Kosovë po rrezikojnë të paraqiten si alternativa të denja të partive aktuale në koalicion në prag të zgjedhjeve të ardhshme parlamentare në vend. Koha të cilën ia fali koalicionit qeverisës Lidhja Demokratike e Kosovës, me marrëveshjen që i parashihte në parim zgjedhjet gjatë qershorit, është shfrytëzuar më pas në maksimum nga kryeministri Hashim Thaçi për promovimin e fushatës ende të pashpallur.

Analistët politikë e shohin këtë si një gjendje ku qeveria dhe kryeministri po e shfrytëzojnë pushtetin për fushatë dhe vota, kurse opozitën të pafuqishme, të përgjumur dhe pasive.

Madje edhe të paide. Publicisti Halil Matoshi në analizën e tij ka vlerësuar se e mira “në krejt këtë tregim goxha të zymtë është se kryeministri më në fund dhe atë në fund të mandatit të dytë, ka marrë disa vendime që shkojnë në favor të qytetarëve të vendit”. Para së gjithash, ai ka marrë si shembuj rritjen e pagave dhe vendimin për shndërrimin e FSK-së në FAK.

Vendime të tilla, sipas Matoshit, përveç se shihen si fushatë parazgjedhore, paraqesin edhe pragmatizëmin politik të Thaçit, ngaqë ai edhe ashtu nuk është një humanist, por politikan…(Tribuna).