Opozita bojkoton shënimin e 100 vjetorit
RajoniPress
09:15, 16 Nëntor, 2012
Bujanoc – Opozita e Bujanocit bojkoton pjesëmarrjen e saj në manifestimin e 100-vjetorit të pavarësisë së shtetit shqiptar dhe Ditës së Flamurit njofton “Presheva jonë”
Opozita e Bujanocit, e përbërë nga koalicioni; PVD, LPD dhe UDSH bëjnë të ditur, se nuk do të marrin pjesë në bashkë-organizimin e përvjetorit të Ditës së Flamurit me pushtetin lokal në Bujanoc.
Si arsye për këtë bojkotim të manifestimit të 100-vjetorit të pavarësisë së shtetit shqiptar dhe Ditës së Flamurit, partitë opozitare përmendin akuzat dhe shpifjet të cilat në adresë të saj dhe këshilltarëve të opozitës i ka bërë kryetari i komunës Nagip Arifi, në emisionin e RTV Spektri, të transmetuar të hënën e kaluar.
Po ashtu, pamundësinë e vet për pjesëmarrje opozita e arsyeton edhe me vazhdimin e fushatës së diferencimit ideo-politik të shqiptarëve nga institucionet komunale./rajonipress/
