Omer Daku zgjidhet kryetar i klubit basketbollistik (femra) për 4 vitet e ardhshme

Gjilan – Gjithashtu është zgjedhur dhe kompletuar edhe bordi drejtues.

KB ”Drita” (F) (që garon në Superligën e Kosovës) në kuvendin e rregullt zgjedhor, për mandatin e ardhshëm 4 vjeçar zgjedh z. Omer Daku. Po ashtu, kuvendi zgjedh edhe bordin drejtues te klubit. Bordi drejtues pos kryetarit ka edhe 6+2 anëtarë, ku 6 dalin nga kuvendi zgjedhor dhe 2 plotësohen me propozim të kryetarit konform statutit. Përbërja e bordit është: Omer Daku, Shemsedin Kryeziu, Vedat Islami, Afrim Selimi, Lumnije Huruglica-Shabani, Luljeta Vokshi, Ergin Sherifi, Fatmir Klaiqi dhe Sulltan Sylejmani.

I kontaktuar nga rajonipress Daku, për komentin e tij se cila është gjendja dhe synimet e klubit në të ardhmen, z. Daku ( një nga themeluesit e këtij klubi) paraprakisht falënderon kuvendin për besimin e dhënë duke dashur që fillimisht të thekson se klima që ka mbretëruar në këtë klub (që nga themelimi i klubit 12.12.1998, me iniciativë të Hamdi Sejdiut) e deri më tani ka qenë për lakmi, dhe poashtu beson se po e njëjta do të vazhdojë. Po ashtu falënderon të gjithë ata që kontribuuan në periudha të caktuara deri më sot.

“Të gjithë, sot, mund të jemi krenar se të gjitha lojtaret e angazhuara në KB “Drita”, krahas kontributit për suksese të klubit, sukses të dalluar kanë treguar edhe në aspektin edukativo-arsimor dhe se sot një numër i madh i tyre kanë angazhime kyçe nëpër institucione të ndryshme. Kurse sa i përket të ardhmes, jemi duke punuar në koordinim të përbashkët: Bordi drejtues me shtabin teknik. Jam i bindur se jo vetëm Gjilani, por edhe më gjerë, do ta marrin model mënyrën e funksionimit të klubit tonë (këtë e garanton vet struktura brenda klubit). Por, e gjithë kjo, natyrisht se do të rezultojë edhe me suksese shumë dimensionale” tha Daku /rajonipress/