Olti Zymberi, ose Mesi i Gjilanit, ka një perspektivë të shkëlqyeshme në futboll

Gjilan – Olti Zymberi i ka nisur hapat në futboll në mënyrë fantastike. I shpejt, energjik, talent edhe për shumë sfera tjera, Olti premton shumë në fushën e gjelbërtë. Madje të gjithë e thërrasin si Mesi për shkak të stilit të lojës që e praktikon në fushë.

Olti Zymberi ka një perspektivë fenomenale në rrugëtimin e tij drejt një futbollisti kulminant. Ka një talent të rrallë derisa paraqitjet e tij janë shumë mbresëlënëse.

Edhe pse vetëm 17 vjeq Olti thotë se ka ëndrra të shumta për të ecur drejt synimit final të tij. “Futbollin e dua me zemër dhe jam luftarak dhe i pa kompromisë në fushë. Talentin që kam dua ta zbatoj në fushë për të kënaqur edhe publikun edhe ambiciet e mija” u shpreh Olti për rajonipress/

Ndryshe, Olti Zymberi ka lindur më 5 gusht 2003 në Stamboll, Turqi. Mësimet e para në futboll i filloi në shkollën e KF “Shkëndija” në Gjilan.

Gjatë kësaj kohe u grumbullua me kombëtaren U-15. Pas disa vitesh me këtë klub kaloi në SC Gjilan e më pas në KF “Besëlidhja” në Prishtinë që luante në Superligen e Kadeteve para se t`i ndërpritej sezoni shkaku i pandemisë.

Tashmë bartë fakelen e FC Drita U-19 ku me shumë sukses janë duke luftuar në garën e titullit kampion të Superligës së juniorëve. Si synim e ka të vazhdoj ëndrrën e tij që të mbërrij sa më larg në futboll dhe të bëjë krenar familjen e tij.

Olti është 17 vjeçar dhe luan për FC “Drita” U-19.

Futbollisti i preferuar i tij është Lionel Messi dhe Luka Modric edhe pse thotë se është fans i FC “Barcelona”. Edhe në mësime është i zoti dhe ndjek me sukses drejtimin në shkencat natyrore në Don Bosko në Gjilan./rajonipress/

Shpërndaje.
© RAJONIPRESS