Olters: Qytetarët ikën në mungesë të perspektivës

Mungesa e perspektivës ekonomike ka ndikuar në ikjet e fundit të kosovarëve në shtetet e BE-së. Kështu ka thënë menaxheri i Bankës Botërore për Kosovë, Jan-Peter Olters, ku ka paraqitur pikëpamjet e tij për një “model ekonomik” ndërsektorial, i cili do të rriste produktivitetin në sektorët kryesorë të ekonomisë dhe, në përputhje me rrethanat, do të ndihmonte në krijimin e vendeve të reja të punës në sektorin privat dhe do të rriste pagat mesatare.

Sipas tij, elita politike si pozita ashtu edhe opozita duhet të debatojë se cili duhet të jetë modeli ekonomik i Kosovës, pasi që sipas tij, deri më nuk ka pasur një debat të tillë i cili është jashtëzakonisht i rëndësishëm.

“Ngjarjet që kanë dominuar javën e fundit në vend, si protestat kundër disa zyrtarëve dhe disa vendimeve qeveritare, pastaj grevat në arsim, ikjet masive të qytetarëve drejt vendeve të BE-së, kanë krijuar nevojën për një debat politik mes palave për të ngritur debat se si të tejkalohet kjo./zeri/