Olimpiada, mundësi e artë për Pajtim Kasamin

Palermo – Trajneri i ekipit olimpik të Zvicrës në futboll, Pier Tami, shpreson se mesfushori i Fulhamit, Pajtim Kasami, të shkëlqejë në lojërat olimpike “Londra 2012″, që do të nisin më 27 korrik.

Ai tha se Olimpiada për Kasamin do të jetë një mundësi e artë për të bërë një hap përpara në karrierën e tij.”Unë shpresojë që performanca e mirë e Pajtim Kasamit në Lojërat Olimpike do t’i mundësonte atij të bënte një hap përpara në karrierë, duke menduar se edicioni i ardhshëm do të jetë stinor i rëndësishëm për të. Olimpiada për Pajtim Kasamin është e artë”, ka thënë Tami, raporton të shtunën “palermo24.net”.

Kasami 20-vjeçar në korrik të vitit 2010 u transferua te skuadra e Palermos nga ekipi zviceran, Bellinzona. Por, ai nuk arriti të fitojë një vend titullari, pasi konkurrenca në ekipin italian ishte e madhe. Në korrik të vitit 2011, ai kaloi te skuadra angleze, Fulham.

Por, edhe te kjo skuadër nuk gjeti hapësirën që dëshironte. Dhe, për këtë arsye ai gjatë janarit të këtij viti ishte fare pranë transferimit te Juventusi (më gjerësisht sot në “Koha Ditore”).