OEK: Rritet pakënaqësia e bizneseve

Oda Ekonomike e Kosovës (OEK), duke u bazuar në një analizë të bërë për tremujorin e dytë të këtij viti i ka identifikuar sektorët kyç që janë substancë e zhvillimit ekonomik të Kosovës.

Safet Gerxhaliu, kryetar i Odës Ekonomike të Kosovës, ka thënë se sipas kësaj analize në sektorin kyç përfshihen tregtia me shumicë dhe pakicë, sektori i prodhimit, ndërtimtaria, shërbimet profesionale dhe hoteleri.

Sipas tij, në gjetjet kryesore për sa i përket vlerësimit të situatës aktuale të biznesit, në tre mujorin e dytë të vitit 2014, vërehet një përqindje e bizneseve që konsiderojnë situatën aktuale të pa kënaqshme, e cila ka shënuar rënie të lehtë, krahasuar me tremujorin e parë të vitit 2014 dhe periudhën e njëjtë të vitit 2013.

Ai ka shtuar se edhe shkalla e papunësisë është pothuajse në rritje e sipër.

Gërxhaliu, ka bërë të ditur se 29 për qind e bizneseve të anketuara presin që punësimi të rritet. Këto rezultate sipas tij ishin të ngjashme nëse krahasohen me vitin 2013 – në tre mujorin e dytë.

“Aspekti social në Kosovë është mjaft shqetësues, kemi një shkallë të papunësisë e cila është pothuajse në rritje e sipër, kemi një varfëri ekstreme e cila është vërtetë mjaft demotivuese dhe kur i shtohet kësaj edhe varfëria e skajshme atëherë është një çështje që duhet gjithë neve të na preokupoj”, ka theksuar Gërxhaliu. /Telegrafi/