O’Conell bashkëbisedon me qytetarët: Shprehet kundër murit në veri

“Muri është çështja e javës. E kuptoj që është një çështje shumë e ndjeshme. BE ka punuar me të dyja palët me vite të tëra për të siguruar lirinë e lëvizjes. Nuk mendoj që ndërtimi i një muri ndihmon. Por gjithashtu mendoj se integrimi i Kosovës varet nga shumë faktorë të tjerë se sa a është ndërtuar një mur apo jo”, ka shkruar O’Conell, transmeton Indeksonline.

Ambasadori britanik Ruairi O’Conell ka filluar sot bashkëbisedimin e tij me ndjekësit në Facebook.

Nga disa prej pyetjeve që i janë bërë ambasadorit ishte edhe çështja e murit në afërsi të urës së Ibrit në Mitrovicë.

Ndërsa ambasadori O’Conell ka theksuar se muri është çështje e javës.

“Muri është çështja e javës. E kuptoj që është një çështje shumë e ndjeshme. BE ka punuar me të dyja palët me vite të tëra për të siguruar lirinë e lëvizjes. Nuk mendoj që ndërtimi i një muri ndihmon. Por gjithashtu mendoj se integrimi i Kosovës varet nga shumë faktorë të tjerë se sa a është ndërtuar një mur apo jo”, ka shkruar O’Conell, transmeton Indeksonline.

Gjithashtu O’Conell në njërën nga përgjigjet e tjera në këtë bashkëbisedim ka theksuar se nuk lejohet nga ta vendosja e këtij muri.

“Kosova është e pavarur apo jo? Kur thoni pse e lejoni diçka, më vjen keq por ju e keni keqkuptuar situatën. Ne nuk jemi pushtet në Kosovë. Ne nuk kemi pushtet për të lejuar ose për të mos lejuar diçka. Votuesit e Kosovës zgjedhin përfaqësuesit dhe liderët e tyre. Nëse doni lider ndryshe votoni ndryshe, por mos gaboni të mendoni që ne lejojmë ose nuk lejojmë diçka, ne jemi vetëm diplomat. Nëse doni ndryshime, ju duhet të bindni edhe votuesit tjerë qe të votojnë ndryshe. Puna e diplomacisë është për të bashkëpunuar me ata që ju i zgjidhni”./Indeksonline/