Objekti i stacionit policor në Viti, nuk i plotëson kushtet e parapara për punë

Viti – EVSB, si shqetësim ka paraqitur kushtet e vështira për punë, të PK-së, Stacioni Policorë në Viti, të cilët vazhdimisht përballen me mungesë të hapësirës së pamjaftueshme për punë, shkaku i objektit të vjetër, me mungesë të inventarit, automjetet në mungesë, dhe thuaja se asnjëra nga to nuk i plotëson kushtet teknikisht të lëvizë rrugëve lokale.

EVSB-të, janë themeluar nga Departamenti i Drejtësisë së SHBA-ve, programi ICITAP(Ministria e Drejtësisë e SHBA-ve, programi ndihmës trajnues ndërkombëtarë për hetimin e krimit) në bashkëpunim me OSBE-në, (organizata për siguri dhe bashkëpunim), në Kosovë.

EVSB-të, janë të thirrura,dhe kanë për qëllim:identifikimin, adresimin dhe inicimin e çështjeve, që kanë të bëjnë me krimin, sigurinë dhe kualitetin e jetës, për të arritur qëllimin e përbashkët, dhe krijimin e një bashkësie më të sigurt.

Koordinatori i EVSB-së, për Komunën e Vitisë, paraqiti sfida të shumta për EVSB-në, ndër të tjera si sfidë kryesore veçoi, Objektin e Stacionit Policor në Viti, i ndërtuar 60 vite më parë, i cili nuk i plotëson kushtet e duhura për punë.

Përveç kësaj, lagështia dhe myku, krijojnë erëra të pa këndshme, por shqetësimi tjetër është prezenca e minjve brenda këtij objekti të vjetruar, të cilët paraqesin pa siguri për shëndetin e zyrtarëve policorë ,sepse shumë lehtë mundë të bartet edhe ndonjë s’mundje nga minjtë që bredhin poshtë e lart objektit.

Kjo situatë e krijuar vite me radhë, paraqet shqetësime dhe rrezik për shëndetin e zyrtarëve policorë, të cilët duhet të përballën çdo ditë me këtë problematikë.

Shqetësim tjetër për zyrtarët policorë, është mangësia e theksuar në logjistikë, duke ua vështirësuar punën e tyre dhe duke u detyruar të punojnë me ato kushte pa ngritur zërin. E njëjta gjë ndodhë me vetura të policisë, ku shpeshherë për mungesë të veturave, policët nuk mundë të shkojnë në rast, ose duhet të përdorin veturat e tyre private për të shkuar në vendngjarje.

EVSB, si shqetësim ka paraqitur kushtet e vështira për punë, të PK-së, Stacioni Policorë në Viti, të cilët vazhdimisht përballen me mungesë të hapësirës së pamjaftueshme për punë, shkaku i objektit të vjetër, me mungesë të inventarit, automjetet në mungesë, dhe thuaja se asnjëra nga to nuk i plotëson kushtet teknikisht të lëvizë rrugëve lokale.

Këto shqetësime janë të arsyeshme, sepse të thuhet se automjetet e policisë janë në mungesë apo jo teknikisht në rregull, kjo nuk ka arsyetime, e njëjta gjë vlen edhe për automjetet e Shtëpisë së Shëndetit, dhe të Zjarrfikësve, edhe pse këto dy të fundit janë më mirë të pajisura me automjete sa i përket transportit, në krahasim me automjetet e Stacionit policorë.

Kjo nuk ka si të quhet ndryshe përpos, pa përgjegjësi Institucionale.
EVSB, përpos nëpër takime lokale, këtë shqetësim e ka ngritur edhe në takime të shumta Qendrore.

Shpresojmë se me ardhjen e Qeverisë së re, dhe me ardhjen e Ministrit,të MPB-së, z.Agim Veliu, objekti i lart përmendur do të jetë prioritet ndër prioritetet tjera thuhet në reagimin e koordinatorit të EVSB-së, për:Komunën e Vitisë, Imri Emërllahu./rajonipress/