Obama: Nuk pi duhan, kam frikë nga gruaja

Barack Obama ka frikë nga bashkëshortja dhe tregon se ka hequr dorë nga duhani pikërisht nga frika nga Michelle.

Presidenti amerikan, që ka marrë pjesë në Asamblenë e Përgjithshme të OKB-së, u është përgjigjur gazetarëve që e pyesnin se si i kishte punët me duhanin.

“Jo, nuk kam pirë as edhe një cigare në gjashtë vitet e fundit, sepse kam frikë nga gruaja ime”, ka thënë Obama.

Marrëdhëniet e Obamës me cigaren kanë tërhequr gjithmonë vëmendjen e shtypit amerikan, që në mandatin e parë dhe dihet që Michelle ka qenë gjithmonë vigjilente ndaj argumentit.

Në vitin 2011 zonja e parë kishte deklaruar se bashkëshorti kishte hequr dorë nga duhani një vit më parë. Informacioni në fjalë është konfirmuar nga një kontroll mjekësor, por zëra të pakonfirmuar sugjeronin se gjatë fushatës së fundit elektorale vesi ishte rishfaqur. Por tani Obama sërish e mohon.