Nxirret trupi i pajetë i të riut nga gërmadhat e Hotelit “Adriatiku”

Pas gati shtatë orë kërkimesh është nxjerr trupi i pajetë i punëtorit, që e zuri shembja e një pjese të ish-hotelit “Adriatiku” në Mitrovicë.

Drejtori për Mbrojtje dhe Shpëtim nga Komuna e Mitrovicës, Nehat Bahtiri konfirmoi për Telegrafin se trupi është është nxjerr pa shenje jete nga gërmadha e objektit të shembur.

Ai bëri të ditur se viktima është Visar Behrami, 27 vjeçar, nga Mitrovica.

Ish-hoteli Adriatiku është shembur në orët e pasdites të së hënës. Ndërsa, në pjesën e shembur kanë qenë katër persona, tre janë tërhequr ndërsa viktima kishte mbetur nën rrënoja.

Gjetja e trupit të riut nga Mitrovica është bërë pas disa orë kërkimesh nga ekipet e shpëtimit, Policisë, zjarrfikësve dhe FSK-së, e cila kishte angazhuar qen të trajnuar për këso rastesh kërkimi.

Ndërsa prokurorja e rastit, Fetije Bajrami ka konfirmuar se prokuroria ka ndaluar dy persona – punëdhënësin dhe punëkryerësin. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).