Nxënësit vitias njihen me efektet negative dhe pasojat që sjellë duhani

Viti – Organizuar nga grupi i grave të komunës së Vitisë, është mbajtur një ligjëratë me nxënësit e shkollës së mesme teknike “Hoxhë Jonuz Zejnullahu” në Viti.

Doktoresha Xhylsime Qamili ka njoftuar fillimisht nxënësit me përbërjen dhe aktivitetet që zhvillon grupi i grave të komunës së Vitisë, e më pas ka folur për rëndësinë e ligjëratës së organizuar në kuadër të Ditës ndërkombëtare kundër duhanit që ishte para pak ditësh, por për shkak të vikendit është organizuar më pas.

Ajo ka falënderuar edhe ligjërueset vullnetar, infermieret në QKMF Fatime Bekteshi e Shahadije Zuka, për ligjërimin se cilat janë efektet negative dhe pasojat që sjell konsumimi i duhanit.

Pos këtyre ligjëratave, nxënësit kanë parashtruar pyetje të ndryshme që kishin të bënin me ligjëratën kundër pirjes së duhanit./rajonipress/