Nuri Seferi: Do të kthehem kokëlartë nga Polonia

Boksieri nga Gostivari, Nuri Seferi do të përballet më 31 janar me numrin 1 të botës, Krzysztof Glovaçki në Poloni. Kjo është një ndeshje historike për kampionin aktual të Evropës dhe numrit 3 të botës në kategorinë “Cruiser”, Nuri Seferi.

“Përgatitjet e mia po shkojnë drejt përfundimit para ndeshjes sime historike më 31 janar në Poloni kundër Krzystof Glovaçki. Dua që publikisht të falënderoj trajnerin tim Bylent Baser, i cili ka bëre një punë të shkëlqyer gjatë fazës përgatitore. Kemi punuar shumë me qëllim që të kthehemi kokëlartë nga Polonia”, shkruan në një postim në “Facebok”, boksieri shqiptar, i cili është i bindur thellë në fitoren e tij.

Dueli Seferi – Glovaçki është pjesë e një turniri eliminator që e ka përzgjedhur Federata VBO në asamblenë e saj të fundit në Las Vegas. Ky do të jetë padyshim dueli më i rëndësishëm në karrierën e boksierit shqiptar, Nuri Seferi.