Nuland vjen në Kosovë për Specialen
Ndërkombëtarët do ta shtojnë këtë javë presionin për miratimin në Kuvend të Gjykatës Speciale.Burimet i kanë konfirmuar KTV-së se më 12 dhe 13 korrik (e diel dhe e hënë) në Kosovë për vizitë do të qëndrojë ndihmës-sekretarja amerikane e shtetit, Victoria Nuland.
Diplomatja amerikane do të takohet me Presidentet Jahjaga, kryeministrin Mustafa dhe ministrin e jashtëm, Thaçi.
Vizita e saj pritet të jetë vendimtare për të bindur të pabindurit e PDK-së që t’i hapin rrugë krijimit të Speciales.
Siç merr vesh KTV-ja, qeveria mund të provojë të premten kalimin e Speciales, por gjasat më të mëdha janë që një gjë e tillë të ndodhë pikërisht pas vizitës së Nuland, javën e ardhshme.
Nuland njihet si një prej diplomateve më të rrepta të administratës amerikane. Në një audio-xhirim të publikuar para do kohësh ajo ishte dëgjuar duke e sharë BE-në për shkak të situatës në Ukrainë.
http://koha.net/?id=27&l=65337