Nuland i bën presion Serbisë të nënshkruajë marrëveshje me Kosovën

Marrëveshja për Stabilizim Asocim është një traktat ndërkombëtar, e cila kur të nënshkruhet do t’i jepte Serbisë statusin e një shteti të asocuar me BE-në.Në mesin e obligimeve që Serbia do të duhet t’i pranojë pas MSA-së do të jetë ngritja e zonës së lirë tregtare dhe harmonizimi i ligjeve shtetërore me ligjin e BE-së.

“Dëshirojmë që viti 2015 të jetë vit i përparimit në dialogun Prishtinë – Beograd në mënyrë që BE të mund të hap kapitujt për Serbinë dhe të nënshkruajë MSA-në me Kosovën”, ka thënë zëvendëssekretarja e Departamentit Amerikan të Shtetit, Victoria Nuland, raporton Sputnik.

Nuland ka pranuar se Serbisë do t’i duhet të bëjë koncesione ndoshta të pakënaqshme për t’i përmbushur kushtet e BE-së për sa i përket MSA-së, të cilat SHBA i përkrah.

“Por kjo do të kërkojë vendime të guximshme si nga Prishtina ashtu edhe nga Beogradi. Dhe sërish, bashkë me BE-në, Amerika thotë: kapeni momentin dhe ne do t’ju ndihmojmë”, ka theksuar ajo, transmeton Koha.net.

Më 1999, SHBA dhe aleatët e saj në NATO ndërmorën fushatën bombarduese kundër Serbisë për 78 ditë që çliruan Kosovën dhe iu dha e drejta për pavarësi.

“Kosova dhe Serbia janë duke shënuar progres në shërimin e plagëve të së kaluarës dhe po krijojnë ujdi për të jetuar si fqinj të mirë”, shtoi Nuland.

Megjithatë, vazhdoi ajo, “duhet ende punë për të arritur në finish”.