Nuk u besohet ilaçeve të regjistruara në AKPM

Arrestimi i kryeshefit ekzekutiv të AKPM-së, Ilir Dushit dhe Haki Ejupit, drejtorit të Licencimit të ilaçeve në AKPM ka ngritur dilemat se ilaçet që janë regjistruar dhe qarkullojnë në Kosovë janë të pasigurta për konsum. “Ilaçi nuk të shëron nëse nuk i beson”, ka thënë Vlora Myrtaj, banore e Prishtinës, tek të martën dilte nga një barnatore në Prishtinë. Ajo ka thënë se po të kishte mundësi asnjëherë nuk do të blinte ilaçe në Kosovë, e veçanërisht antibiotikë.

“Thjesht, nuk janë të sigurta. Qarkullojnë shumë ilaçe të kontrabanduara”, thotë kjo qytetare, ndonëse nuk ka njohuri për arrestimin e kryeshefit Dushi e as zyrtarit Ejupi. “Jo unë nuk i dëgjoj edhe aq lajmet. Nuk e di se kë e kanë arrestuar. Por, shoh herë pas here lajme se u kontrabanduan ilaçe, policia konfiskoi ilaçe kontrabandë…”, ka thënë ajo.

Studentja e artit, thotë se në Kosovë ende nuk ka një kulturë të mirëfilltë shëndetësore, e as nuk kërkohet përgjegjësi për shëndetin. “Por tash që po e di se paska pasur arrestime, sinqerisht po kam frikë në cilësinë e këtyre ilaçeve”, thotë Myrtaj… (Tribuna).