Nuk respektuan masat antiCOVID, Policia dënon 1 mijë e 561 qytetarë

Në 24 orët e fundit, Policia ka shqiptuar 1 mijë e 561 tiketa për qytetarët që nuk kanë respektuar masat kundër coronavirusit.

Gjithashtu, brenda 24 orëve, Policia ka dënuar edhe 1 mijë e 570 shoferë të cilët nuk kanë respektuar rregullat e komunikacionit, transmeton Telegrafi.

Policia po ashtu njofton se kanë ndodhur 50 aksidente trafiku, 23 prej tyre me persona të lënduar kurse 27 raportohet të kenë qenë vetëm me dëme materiale.

Në njoftimin e bërë nga Policia thuhet se janë arrestuar edhe 32 persona, 25 prej tyre janë dërguar në mbajtje kurse tre në vuajtje të dënimit. /Telegrafi/