Nuk preferon të flasë për jetën private

Ka arritur që me këngët e saj të rrëmbejë zemrat e publikut shqiptar. Bëhet fjalë për këngëtaren e njohur Ganimete Abazi e cila nuk ka shumë kohë që ka lansuar këngën e saj më të re ‘Hapi i parë’ në bashkëpunim me këngëtarin nga Shqipëria Kolë Oroshin, këngë kjo e cila u prit shumë mirë nga publiku.

E ndonëse ende po shijon suksesin e këngës së fundit ajo për gazetën Tribuna shpalos për të rejat që do t’i realizojë gjatë sezonit veror. ”Njëherë për njëherë nuk jam duke punuar ende asgjë. Mirëpo së shpejti do t’i përvishem punës për realizimin e disa këngëve të reja të cilat pritet të dalin në muajt e nxehtë të verës. Do të bashkëpunoj si gjithmonë me Ilir Beranin, ndërsa videoklipet nuk kam vendosur ende se ku do t’i bëj. Por besoj që relacionet do të jenë në Shkup apo në Shqipëri”, ka treguar këngëtarja në fillim të bisedës.

Abazi gjithashtu ka theksuar se e ka ndërmend ta sjellë edhe një baladë të cilën pritet ta realizojë nga muaji shtator. ”Po mendoj që njëra nga këngët që do t’i sjell të jetë një baladë me tekst të Ilir Beranit. Kjo këngë do të realizohet me videoklip dhe pritet që të dalë në treg në muajin shtator”…(Tribuna).