Nuk ndalet Miki

Emri i saj tash e sa vjet radhitet ndër emrat më të denjë të skenës sonë. Është kjo këngëtarja Mihrije Braha, e cila me këngët e saj dhe punën e palodhshme vazhdon të jetë aktive dhe të sjellë çdo herë risi në skenë.

Edhe për këtë sezon Mihrija tregon se po punon. Ajo për gazetën Tribuna ka thënë që brenda dy muajsh në skenë do të vijë me dy këngë të reja. “I kam disa këngë por po mendoj që brenda dy muajve të lansojë dy këngë prej tyre. Jam në punë e sipër të këtyre projekteve tani të shohim se cilat prej tyre do t’i bëj edhe me videoklipe”, ka thënë Miki në fillim të bisedës, ndërsa ka shpalosur edhe bashkëpunëtorët në këto projekte “Për njërën këngë kam bashkëpunuar me Armend Rexhepagiqin. Aida Barkaun, Granit Gashin dhe Driton Sopën. Ndërsa një këngë tjetër ma ka punuar Naimi dhe jam gati në përfundim të kësaj kënge”…(Tribuna).