Nuk ndalet “Lokomotiva” e blerjes së futbollistëve në KF “Gjilani”

Gjilan – Skuadra e Gjilanit në radhët e saja ka bërë përforcimin e gjashtë. E kësaj radhe emri i ri në taborin e “bardh e kuqëve” është kapiteni i Kosovës së Vushtrrisë, Bahri Kera.

Kera konsiderohet njëri ndër mesfushorët më të mirë aktual në futbollin e Kosovës.

Sjelljen e futbollistit nga Vushtrria e ka konfirmuar drejtori i KF “Gjilani”, Agron Korqa. “Kemi pasur nevojë për një mesfushor cilësor dhe kemi arritur me futbollistin Kera që për një vit të jenë pjesë e skuadrës sonë. Kera sot do t`i bashkëngjitet ekspeditës së futbollistëve që para dy ditësh kanë filluar përgatitjet për stinorin e ri të Superligës së Kosovës në futboll” ka thënë Korqa./rajonipress/