Nuk ndalet bixhozi as në kohë të pandemisë, në Pozhoran dhe Smirë arrestohen disa persona

Gjilan – Policia në fshatin Pozhoran ka arrestuar 11 persona kurse në fshatin Smirë të Vitisë janë arrestuar 8 persona derisa po luanin letra bixhozi.

Sipas policisë në fshatin Pozhoran, të Vitisë është raportuar se në shtëpinë e të dyshuarit mashkull kosovar janë takuar njëmbëdhjetë (11) persona duke luajtur letra bixhozi me çipa pokeri dhe para.

Si dëshmi materiale janë konfiskuar 889 çipa pokeri, 6 komplete letra bixhozi dhe një fletore evidence. Të gjithë personat janë intervistuar dhe me vendim të prokurorit janë liruar në procedurë të rregull.

Edhe në fshatin Smirë të Vitisë është raportuar se në lokalin e të dyshuarit mashkull kosovar janë takuar tetë (8)persona duke luajtur letra bixhozi. Si dëshmi materiale janë konfiskuar 460 çipa pokeri, 3 komplete letra bixhozi, një fletore evidence dhe 13.30€. Të gjithë personat janë intervistuar dhe me vendim të prokurorit janë liruar në procedurë të rregullt njoftoi policia e Kosovës./rajonipress/

Shpërndaje.
© RAJONIPRESS