Nuk ke lindur Ministre!!

Nga Drenushe Maloku – As ma të voglin dyshim nuk e kam se në këtë situatë Ministrja Arbërie Nagavci duhet të jap dorëheqjen. Kjo, jo vetëm që do të shihej e kuptohej si akt moral, por përtej saj është edhe përgjegjësi ndaj detyrave dhe kompetencave që ka ajo. Sindikata edhe mundë të jetë fajtorë, por ajo nuk ka përgjegjësin për fillimin e mësimit, ajo mbron në çdo situatë të drejtat e punëtorëve.

Vetëm me dorëheqjen e Nagavcit do të ngritej niveli i seriozitetit, vetëdijes dhe ndërgjegjes te të gjithë akterët e kësaj situate të krijuar nga e cila po e pësojnë nxënësit.


Nagavcit, Kurti le t`i jep post edhe me të lartë sepse atë mund ta bëj me emërim por, është koha e fundit kur ajo duhet të reflektojë.

Nuk është kohë e komoditetit ashtu siç po e ndjen veten Nagavci, duke u sjellur sikur s`ka faj. Ajo dhe ministria e saj janë të obligueshme me ligj që të fillojë dhe krijoj kushte për mësim. Si e zgjidhë këtë situatë të palakmueshme për qytetarët pak është e rëndësishme, ata duan me fillu mësimi dhe kaq.

Dorëheqja e Nagavcit, si po shihet nuk është kusht as kërkesë e sindikatës por, ajo do të hapte mundësin e një dialogu seriozë mes partnerëve social.

Ia kujtoj Nagavcit dorëheqjen e ish Ministrit të punëve të brendshme F.Rexhepi, le t`i kujtohet çfarë efekti pat ajo dorëheqje në situatën e krijuar atëherë.

Dorëhequ Nagavci shpëto fytyrën tënde dhe sistemin arsimor.

Shpërndaje.
© RAJONIPRESS