‘Nuk ka zgjidhje të çështjes shqiptaro-serbe pa zgjidhjen e çështjes së Luginës’

Lëvizja për Bashkim (LB) përmes një njoftimi për media ka bërë të ditur se përkrahë nismën “Lugina do zgjidhje” për shqiptarët në Luginë të Preshevës, transmeton ‘Zëri.info’.

Lëvizja për Bashkim thotë se nuk ka stabilizim të Kosovës e Serbisë me privilegje kushtetuese për pakicat e serbe ndërsa, injorim të të drejtave të shqiptarëve në Kosovën Lindore.

Njoftimi i plotë i LB-së:

Në përkrahje të nismës “Lugina do Zgjidhje”: Nuk ka zgjidhje të çështjes shqiptaro-serbe pa zgjidhjen e çështjes së Kosovës Lindore.

Nuk ka stabilizim të Kosovës e as Serbisë me privilegje kushtetuese për pakicën serbe, e me injorim të të drejtave të shqiptarëve në Kosovën Lindore. Bazë e çfarëdo marrëveshjeje me Serbinë duhet të jetë reciprociteti në të drejta për shqiptarët në Preshevë, Medvegjë e Bujanoc me ato të serbëve në Leposaviq, Zveçan e Zubin Potok. Dhe ky reciprocitet duhet të çojë në fund në ridefinimin e kufijve në mes të dy shteteve dhe popujve duke u bazuar në parimin e vetëvendosjes së popujve. Deri atëherë të gjithë duhet të punojmë që Kosovën Lindore ta kthejmë në kryetemë të ditës. Shqiptarët në atë pjesë kanë filluar të lëvizin përmes nismës qytetare Lugina do Zgjidhje. T’i përkrahim shqiptarët atje dhe këtë nismë, në mënyrë që ta forcojmë Kosovën.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).