RCCOLA

Nuk ka ilaçe as për ilaç!

/ 2 minuta lexim

Para se të hynte në sallën e operacionit, sillte kokën prej gjendjes së rëndë të krijuar në repartin ku ai punon. “Mjerim më të madh nuk ka pasur asnjëherë në shëndetësi. Kurrë nuk mbahet mend të mos ketë pasur as kapela për kokë që të futemi në operacion, e që kushtojnë vetëm 3 centë”, ka thënë doktori, pa dashur që emri t’i përmendet në gazetë. Doktori tregon se situata është shumë e rëndë sa i përket furnizimit me ilaçe.

“Nuk ka asgjë. Ama asgjë…”, thotë doktori tek niset në sallë. Situatën e rëndë është edhe në Onkologji. “Nuk ka ilaçe. Po i blejmë citostatikët mjaft shtrenjtë”, thotë Ramë Isaku, familjar i një pacienti me kancer, që po trajtohet në Institutin e Onkologjisë. Kurse në Klinikën e Neurologjisë, pacientët thonë se i vetmi ilaç që gjendet aty është aspirina.

UBT

“Pos aspirina, asgjë tjetër nuk ka”, tregon një pacient që po trajtohet aty. Ai thotë se çdo ditë i duhet të blejë prej 10 deri në 20 euro ilaçe, në mungesë të tyre. Ndryshe, të mërkurën drejtoresha e Barnatores Qendrore të QKUK-së, Enkelejda Gjonbalaj, sipas burimeve të gazetës, ka raportuar për situatën alarmante sa i përket furnizimeve me barna në QKUK…(Tribuna).