“Nuk ka forca të shtuara policore në Luginë, nuk ka nevojë për panik tek qytetarët”

Pas raportimeve të disa mediumeve se në Luginën e Preshevës ka pasur forca të shumta të xhandarmërisë serbe, duke deklaruar se janë zbarkuar mbi 2 mijë forca, për të tentuar për të hyrë në Kosovë, portali Bujanoci.net thotë se ka dërguar në teren të gjithë gazetarët.

Sipas këtij portali, gazetarët nga të gjitha anët përskaj kufirit nuk raportojnë për forca të shtuara policore, madje në pikën kufitare të Konçulit policia ka deklaruar se nuk ka forca të shtuara policore.

Mund të ketë patrullime të xhandarmërisë, si gjithmonë, për të ruajtur rendin dhe qetësinë, por nuk raportohet për forca të shtuara policore, raporton BujanociNet.

Edhe nga Dobrosini dhe Breznica raportohet se gjithçka është në rregull sa i përket situatës.

“Banorët kanë deklaruar se nuk kanë vërejtur forca të shtuara”, shkruan më tej ky portal.