Nuk hiqet testi, ulen kriteret

Për çdo vit më shumë se gjysma e maturantëve mbesin pa diplomë të shkollës së mesme. E gjithë kjo si pasojë e moskalueshmërisë së testit të maturës që ata i nënshtrohen e të cilin e organizon për çdo vit Ministria e Arsimit.

Gjatë tri viteve të fundit rreth 50 për qind e nxënësve të cilët kanë hyrë në këtë provim nuk e kanë kaluar atë. Sipas zyrtarëve të Ministrisë së Arsimit kalueshmëria më e vogël e nxënësve shënohet gjatë afatit të parë të Testit të Maturës pra atij të qershorit, ku për çdo vit më shumë së pesëdhjetë për qind të studentëve të cilët i nënshtrohen këtij provimi nuk e kalojnë atë.

Në vitin 2012 në afatin e qershorit kanë kaluar rreth 47 për qind e maturantëve, ndërsa po të njëjtin vit, por në afatin e dytë atë të gushtit rreth 72.3 për qind e kanë kaluar provimin gjë e cila dëshmon për diferencën në mes të afatit të parë me atë të dytit, si dhe për parregullsitë që mund të jenë bërë gjatë procesit të testimit. ….( Tribuna).