Nuk është në planet e Hoffenheim, Mërgim Berisha drejt rikthimit të ish skuadra

Sulmuesi Mërgim Berisha këtë edicion nuk ka qenë fare në planet e Hoffenheim, megjithatë në janar mund të bëhet me skuadër të re.

Futbollisti me prejardhje nga Kosova gjatë verës stërviti me ekipin e parë të Hoffenheimit, sidoqoftë këto muajt e fundit i është bërë e qartë nga klubi gjerman se e ka “derën hapur” dhe duhet të largohet.

Fatmirësisht për Berishën, skuadra tjetër gjermane Augsburg, ku luan edhe mesfushori Elvis Rexhbecaj ka shprehur interesim dhe po provon ta blejë qysh në afatin e janarit.

Gazetari Florian Plettenberg raporton se edhe Berisha është i hapur për këtë lëvizje, ndërsa mbetet të shihet si shkon situata në javët e ardhshme.

“Mërgim Berisha është në listën e FC Augsburg për afatin e janarit”.

“Ai ka kontratë deri në vitin 2027 me Hoffenheim, por nuk është në planet e tyre. Berisha dëshiron këtë lëvizje”, shkroi ai.

Përndryshe pavarësisht përpjekjeve të Kosovës, Berisha në fund zgjodhi ta përfaqësonte Gjermaninë./Telegrafi/