Nuk e gënjejmë dot epshin

Poezi nga Mehmetali Rexhepi

cipeve të buzëve
të rrjedhin pika rrëshire
tis vese syrit
mëngjes i solle fytyrës sime
e gjithë thesarin
madje
tëhollimin e talentit
për grackën e bukur të natës
reja e shtrirë e velit fsheh
mbështjell tylin përgjërues
as vola as fshive vesën
e thesarit të lëngshëm
*
u veshëm
me shqisën e lëkurës langore
të gjitha kokrrat
i hodhëm në një ngastër pjellore
hajni e pa trajtë hyri mes nesh
dhe lëpin e lëpin njelmët
këmishën e larë të politesës
*
je dhe jam gënjeshtar
se vola dhe fshive vesën
këmishën e larë
atë këmishë të politesës
s` mund ta kesh të bardhë
se majat tua mjaltore
i japin flakë shkrepës
mandej do ta varësh për tu tharë
në bisqet e avujve të shqisës
*
je dhe jam gënjeshtar
këmishët epshit
dot s`ia kemi larë

Gjilan, kallnor 2012