Nuk do të ketë ndryshime në aspektin ekonomik

Viti 2014 do të jetë i ngjashëm më vitin që sa po e kemi lënë. Gjatë këtij viti nuk priten ndryshime në aspektin ekonomik. Nuk priten zhvillime dhe nuk do të këtë rritje ekonomike. Kështu vlerësojnë disa nga njohësit e ekonomisë në vend. Ata thonë se ky vit nuk do të ndryshojë nga viti që e lëmë pas.

Madje sipas tyre viti 2014 mund të jetë edhe më i vështirë për qytetarët e vendit. Për krejt këto ngecje ata thonë se e kanë gjetur edhe fajtorin. Sipas tyre, fajin e ka Qeveria e Kosovës që nuk ka menduar për qytetarët, por vetëm për fitime të veta dhe mbledhje të votave.

Ndryshe, Kosova ka përmbyllur vitin 2013 me një gjendje jo të mirë ekonomike, me një rritje ekonomike jo më shumë se 3 për qind, me një papunësi mbi 30 për qind, një deficit të lartë tregtar dhe me një varfëri ekstreme mbi 10 për qind.

E, Qeveria e Kosovës gjatë këtij viti ka premtuar rritje ekonomike prej 4 për qind dhe rritje të pagave për të gjithë shërbyesit civilë…(Tribuna).